May patigayonon nga nationwide transport strike sa Miyerkules, Abril 15, 2026 bilang panawagan sa gobyerno nga maghatag sang nagakaigo nga tikang sa padayon nga pagsaka sang presyo sang mga balaklon.
Sa interview sang Bombo Radyo Bacolod kay Bacolod Alliance of Commuters, Operators and Drivers (BACOD-Manibela) President Rudy Catedral, magapartisipar sa transport strike ang BACOD- Manibela, Kabacod Negros Transport Organization (KNETCO), United Negros Drivers and Operators Center-PISTON (UNDOC-PISTON), mga asosayon sang taxi, tricycle kag iban pa.
Suno diri may yara pa gid sang patigayonon nga rally protesta nga pagapartisiparan sang transprt sector, mga estudyante, simbahan kag iban pa.
Suno kay Catedral, ang rally protesta parigayonon sa tatlo ka lugar sa Bacolod City sa Bata flyover, Magsaysay kag sa sentro sang ciudad.
Isa lamang ka adlaw ang rally protesta kasubong man ang transport strike nga maga-umpisa alas- 6:00 sang aga.
Pahayag sini, padayon sila nga nagapanawagan nga ihatag sang gobyerno ang ayuda sang insakto kag paghatag sang solusyon sa padayon nga pagsaka sang presyo sang mga balaklon.
