Natural death ang ginalantaw nga rasun sang kamatayon sang ginabanta 80 anyos nga lalaki nga nasapwan sa sulod sang iya trisikad sa atubang sang National Bureau of Investigation (NBI) – Bacolod.
Sa interview sang Bombo Radyo Bacolod kay Alias Bong, trisikad driver, ginpukaw sini alas-4:00 sang kaagahon ang biktima nga ginkilala lamang sini nga si Taktak Magdiray, samtang ini ang nagakatulog sa iya trisikan.
Apang ini ang wala na nagahulag, gani sila ang nagtawag na sang bulig.
Suno kay Bong, ang tigulang ang indi na makasarang pa magdala sang trisikad.
Siya ang masami nga naga-estambay sa ila na TODA sa Barangay 4, kag ginaguyod lamang nila ang trisikad sini padulong sa NBI Office kun magdulom na.
Suno diri, ang tigulang ang laon kag rehistrado nga botante sang Barangay 4 apang ini ang may mga himata man sa probinsya sang Negros Occidental apang pugtak pugtak, kag ang ila lamang nacontact amo ang utod sini sa Manila.
Ginkuha naman ini sadto kag gindala sa Cavite, apang pila lamang ka semana, ini ang nagbalik man sa Bacolod bangod suno diri, siya ang indi kasaho nga wala sang may gina-obra.
Ginpadal-an man ini sang laptop sang iya magulang, nga iya naman ginbaligya sa chief Tanod.
Pahayag ni Bong nga kahapon, kapin alas-3:00 sang hapon ini ang iya pa ginhungitan bangod wala sang gana magkaon.
Suno diri, gindul-ong sang chief tanod ang biktima sa NBI Office kapin alas-8:00 sang gab-i, kag ini ang nagrequest pa sang noodles apang wala man sini gintandog samtang ini ang ila man ginhabolan bangod nagpahayag ang tigulang nga ini ang natugnawan.
Pahayag sini nga Asthmatic ang tigulang, apang ini ang wala sang may ginatumar nga maintenance.
