Nautod ang nawala nga kamot kag tiil samtang nakaangkon sang pilas ang isa ka lalaki matapos nga ginlabo sa Sitio Balisong, Brgy. Orong, Kabankalan City, Negros Occidental sang Sabado.
Ginkilala ang biktima kay Jerry Alunan, 60 anyos lalaki, kasado, samtang ang suspetsado ang ginkilala nga amo si Arjie Malacapay, kapin 35 anyos ang edad, lalaki, lunsay mga residente sang Sitio Balisong, sa nasambit nga Barangay.
Sa interview sang Bombo Radyo Bacolod kay Police Captain Sammy Gasataya, Deputy Chief of Police sang Kabankalan City Police Station, natabo ang insidente sang Sabado sang gab-i kag santo sa ila nga imbestigasyon daan nga hiligut-anon ang rason sang pagpanglabo santo sa pahayag mismo sang biktima.
Suno kay Gasataya, ginpasibangdan sang biktima ang suspek kag ginpabati-batian nga ini ang nagkawat sang iya inugbulang nga manok sang nakaligad.
Sa karun ang suspek ang at large kag padayon pa nga ginapangita sang mga police samtang ang biktima ang gindala sa ospital sa Bacolod City para sa dugang nga pagbulong.
May pilas man sa tiyan kag sa ulo ang biktima.
Ang gingamit sa paglabo diri amo ang lima tubtob anum ka inches nga binangon.
