Gin-anunsyar sang NBA veteran nga si Rudy Gay ang iya nga pagretiro.
Ginpahayag sang 38 anyos nga player nga may yara na ini sang problema sa ikaayong lawas gani nagdesisyon ini nga tapuson niya ang iya nga 17 NBA season.
Ulihi nga naghampang siya sadtong 2022-2023 sa Utah Jazz kag nagpirma ini sa Golden State Warriors sa off-season apang ini ang gin-wave sang team.
Tuman ini nga nagpasalamat sa mga nakaupod niya sa mga hampang.
Si Gay ang isa sa mga apat nga players nga may average nga 10 ukon masobra pa nga puntos gikan sa 2006-2007 season kag 2020-21 season kaupod sanday Carmelo Anthony, Chris Paul kag LeBron James.
Madugay ini nga naghampang sa Memphis Grizzles kag Sacramento Kings nga may average nga 15.8 points kag 5.6 rebounds.
Naghampang man ini sa team sang Toronto Raptors kag San Antonio Spurs.
