Wala pa nakasugilanon sang National Bureau of Investigation – Bacolod si Rene John Nasis alias Negro, ang stepfather ni Pearl Joy Galve.
Sa interview sang Bombo Radyo Bacolod kay NBI-Bacolod Head Atty. Manuel Fayre Jr., sa karun sila ang padayun pa nga nagapangita sang nagakaigo nga mga ebidensya.
Madamo naman sila sang natipon nga mga CCTV footage sa mga establishimento nga nalabayan ni Pearl Joy Galve kag sang kaupod sini sang madula sadtong Hulyo 29 sa Barangay Sum-ag, Bacolod City kag antes masapwan nga bangkay na sang Agosto 14 sa La Carlota City.
Aminado naman si Fayre nga medyo mahinay ang dalagan sang imbestigasyon, apang ginalantaw nila nga mahimo duha tubtob tatlo ka tawo ang involved sa krimen.
Apisar nga nagvoluntary surrender si Nasis sa Criminal Investigation and Detection Group (CIDG) – Bacolod paathag sini nga nagapabilin nga person of interest ang stepfather para sa NBI.
Ini ang ila man nga estoryahon kag nagpasalig naman ang CIDG, nga sila ang mahimo lang nga makadangop sa talatapan kun luyag masugilanon si Nasis.
Isa sa pasalig ni Fayre nga ila tapuson ang naumpisahan nga imbestigasyon, kag seguruhon nga matumod ang suspect kag mahatag ang nagakaigo nga hustisya para sa 15 anyos nga dalagita.
Suno diri sila ang nagatipon sang solido nga ebidensya bangod ibasura lamang sang korte ang kaso kun kulang-kulang ang mapresentar nga ebidensya.
