Nagpatigayon man sang separado nga imbestigasyon ang National Bureau of Investigation (NBI) – Bacolod tuhoy sa pagpatay kay Pearl Joy Galve, nga ginsuguran subong nga adlaw.
Sa interview sang Bombo Radyo Bacolod kay NBI – Bacolod Head Atty. Manuel Fayre Jr. indi gikan sa NBI Headquarters ang mandato, sa baylo ini ang iya nangin desisyon bangod sa siya ang naluoy sa biktima.
Ginmando sini kay Special Investigator William de Arca, executive officer sang NBI-Bacolod ang pagpatigayon sang motu proprio investigation.
Kaina sang aga, ginsugilanon na ni De Arca ang pamilya sang biktima agud makatipon sang impormasyon nga makabulig sa pagdakop sang suspect.
Sila ang nagahulat man sa resulta sang autopsy examination nga dako nga bulig sa imbestigasyon.
Pasalig sini nga magpalapit man sa ila ang pamilya ukon indi, sila ang magapatigayon sang imbestigasyon agud mahatagan sang kasanagan ang kaso.
