Nagpatigayon sang parallel investigation ang National Bureau of Investigation (NBI)- Bacolod sa kaso sang tatlo ka mga persona nga gin-alegar gin-abduct sa Barangay Vista Alegre, Bacolod City.
Sa interview sang Bombo Radyo Bacolod kay Agent William De Arca Jr., Special Investigator sang NBI-Bacolod nagpadulong sa opisina sang NBI-Bacolod si Trisha Antiquera, agud nga magpangayo sang bulig nga maimbestigaran ang kaso sang iya iloy, kalive-in sang iya iloy kag kalive-in man sini.
Suno kay De Arca, ginpadulungan na sini ang lugar kun sa diin gina-alegar gin-abduct ang live in partner ni Trisha nga si Junel Nangan kag sa iya iloy nga si Loreville Antiquera kag live-in partner sang iya iloy nga si Joen Villacojer sang Hunyo 2 sang gab-i.
Suno diri, nagcoordinate naman ini sa pamunuan sang Vallacar Transit Incorporated (VTI) agud nga makakuha sang kopya sang CCTV footage nga makabulig sa imbestigasyon.
Suno diri, ginaimbestigaran sini kun ngaa didto nag-agi sanday Villacojer sa dalan padulong sa Vista Alegre sang masugat ang mga ini kay Trisha sa SM Bacolod nga dapat sa dalan pa gwa sa Barangay Mansilingan.
Naestorya man sini ang anak kag hinablos ni Trisha nga ginbilin sang gintaban live in partner ni Trisha nga si Junel Nangan kag sa iya iloy nga si Loreville Antiquera kag live-in partner sang iya iloy nga si Joen Villacojer sang Hunyo 2 sang gab-i.
Padayun ang ila imbestigasyon sa karun kag nagcoordinate naman ini sa Bacolod Police Station 7 angot sa ginapatigayon nga parallel investigation sa nasambit nga kaso.
