Ginpresentar na ang ikaduha nga testigo sang prosecution kahapon, July 13, 2026 sa ikaapat nga impeachment trial batok kay Vice President Sara Duterte nga si Atty. Jeremy Lotoc, ang Regional Director sang National Bureau of Investigation (NBI) sa Bangsamoro Autonomous Region in Muslim Mindanao (BARMM).
Si Atty. Lotoc, ang ginpatawag agud nga maghatag sang testimonya ukol sa Article IV (Grave Threats) sang impeachment complaint.
Ang artikulo nga ini ang angot sa nangin kontrobersyal nga pahayag ni Vice President Sara sadtong Nobyembre 2024 kun sa diin ginhinambit sini ang gina-alegar nga plano nga pagpapatay kanday Presidente Ferdinand Marcos Jr., First Lady Liza Araneta-Marcos, kag anay House Speaker Martin Romualdez sa tion nga siya ang mapatay.
Bilang opisyal kag imbestigador sang NBI, ang nagapanguna nga responsibilidad ni Lotoc amo ang kilalahon kag pamatud-an ang kredibilidad sang affidavit sang imbestigasyon kag ang mga nalakip nga video clips nga nakuha sang bureau.
Tinutuyo sang prosecution nga gamiton ang iya nga testimonya agud pamatud-an nga ang mga pamahog sa Bise Presidente ang seryoso, matuod nga natabo, kag may nagakaigo nga basehan para sa mga kaso nga grave threats kag inciting to sedition.
Ang pag-atubang ni Lotoc kahapon, nagapabakod lamang ini sa nauna nga testimonya sang una nga saksi nga prosecution nga si NBI Senior Agent John Mark Calilung, nga siya ang nag-authenticate sa mga digital recordings sang press conference ni Vice President Sara Duterte.
