Ginpaandaman sang National Bureau of Investigation (NBI) ang iloy ni Pearl Joy Galve nga si Jennifer Galve nga nakahanda sila magpasaka sang kaso batok sa iya kun indi ini magkooperar sa pagsolbar sang kaso.
Sa interview sang Bombo Radyo Bacolod kay NBI-Bacolod Head Atty. Manuel Fayre Jr., kulang pa sa gihapon ang ila nakuha nga impormasyon agud masolbar ang pagkapatay ni Pearl Joy.
Nagpanawagan ini sa kapulisan nga padayunon ang imbestigasyon kag itrabaho ang ila nga papel sa pagsolbar sang kaso.
Ini kasunod sa alegasyon nga asset sang Criminal Investigation and Detection Group (CIDG) si Rene John Nasis nga amo ang stepfather ni Pearl Joy.
Luyag sa karun sang NBI nga makuha si Nasis agud sila mismo ang makwestyon diri.
Samtang, ginkwestyon naman ni Fayre kun ngaa wala nagakooperar ang iloy nga si Jennifer Galve sa ila nga imbestigasyon.
Suno diri, santo sa autopsy result sa bangkay ni Pearl Joy nakita nga ang rason sang pagkapatay sini amo ang pagkastigo sa iya samtang wala natumod kun ini ang ginhimuslan bangod nga yara na sa state of decomposition ang bangkay.
Ginkwestyon sini kun ngaa wala nagahatag sang kumpleto nga impormasyon ang iloy apisar sa kabudlayan kag sakit nga naagyan sang iya bata nga nagresulta sa kamatayon sini.
Pahayag ni Fayre, kun indi magkooperar si Jennifer sa ila, sila mismo ang mapasaka sang kaso nga child abuse batok sa iloy kag mismo ang NBI ang mangin complainant para kay Pearl Joy.
