Ginkumpirmar sang National Bureau of Investigation (NBI) nga may yara na sila nga lead may kaangtanan sa gina-alegar pagpamahog batok kanday President Ferdinand “Bongbong” Marcos Jr, First Lady Liza Araneta-Marcos, kag former Speaker Ferdinand Martin Romualdez.
Ginpahayag ni NBI Director Melvin Matibag nga magahatag ang mga ini sang dugang nga detalye sa nagaka-igo nga tion.
Ginpasiguro ni Matibag nga magatambong ang NBI officials sa masunod nga hearing sang House Justice Committee sa gina-alegar pagpamahog ni Vice President Sara Duterte batok sa First Couple sang 2024.
Antes sini, nag-issue sang subpoena ang committee sa NBI nga magpresentar sang mga resulta sang ila ginpatigayon nga imbestigasyon.
Madumduman nga sang Nobyembre 23, 2024, ginpahayag ni Duterte nga nagmando na ini sa isa ka tawo nga patyon sanday Marcos, ang First Lady, kag si anay Speaker Romualdez kun matabo ang gina-alegar plot batok sa iya.
Sang ulihi, ginrekomendar sang NBI ang pagpasaka sang kaso batok kay Duterte.
Gin-athag man ni Duterte nga indi pamahog ang iya pahayag kag suno diri nga gin-highlight lang niya ang gina-alegar pamahog sa iya kaugalingon nga seguridad.
