Ginpahayag ni National Bureau of Investigation (NBI) Director Melvin Matibag kahapon nga may dako nga posibilidad nga ma-locate kag maaresto na si Senator Ronald “Bato” dela Rosa.
Suno kay Matibag, mahimo nga umpisahan na sang mga otoridad ang pagpatigayon sang mga operasyon base sa mga report sang intelligence, agud matumod ang eksakto nga lokasyon ni Dela Rosa.
Indi man mapat-od ni Matibag kun ang Senador ang nagatago sa Mindanao, apang ginpahayag nga nagapati sila nga yara lang sa sulod sang pungsod si Sen. Bato.
Si Dela Rosa ang gin-isyuhan sang arrest warrant naggikan sa International Criminal Court (ICC) sa kaso nga crimes againts humanity, bilang co-perpetrator ni former President Rodrigo Duterte may kaangtanan sa kampanya batok sa iligal nga droga.
