Ginpahayag ni Negros Occidental’s 3rd district Representative Javi Benitez nga nalipay ini para sa iya ex-girlfriend nga si Sue Ramirez kag sa iya nobyo nga si Dominic Roque kag nagapati ini nga sila na gid nga duha ang para sa isa kag isa.
Suno diri, nahibaloan niya nga luyag sang duha nga magkapamilya kag nakita man sini nga malipayon si Ramirez kag Roque.
Suno kay Benitez, wala ini sang may mahambal nga malain kag tubtob sa karun nagapati ini nga si Ramirez ang isa sa most accomplished kag underrated actress.
Si Benitez kag Ramirez nagbulagay sang tuig 2024 kun sa diin natapos ang ila lima ka tuig nga relasyon.
Pahayag sini, ang relasyon sini kay Ramirez amo ang pinakamadugay nga relasyon nga may yara siya.
Apang, sa lovelife naman sini, wala niya deretso nga ginkumpirmar kun bala may gina-date siya apang ginhambal sini nga nalipay siya.
Samtang, aminado man ini nga ang iya pamilya may gina-agyan nga kabudlayan sa karun apang nagapabilin ang komunikasyon sini sa iya amay nga si Bacolod Rep. Albee Benitez apisar sa mga alegasyon nga nalink ini sa aktres nga si Ivana Alawi.
