Nagakihanglan ang probinsya sang percentage sang mga apektado sang Red-Striped Soft Scale Insect (RSSI) infestation antes ang pagdeklarar sang state of emergency.
Suno kay Negros Occidental Governor Eugenio Jose Bong Lacson, unfortunate lamang nga nagapadayon ang infestation sa karun nga nagapadayon ang planting season.
Ginpahayag man sang gobernador nga natalana kuntani nga magameeting sang ligad nga semana upod ang sugar confederations sa probinsya agud nga maestoryahan ang paghatag sang solusyon sa problema apang wala nadayon.
Sa karun ginahulat sini ang pagtalana sang meeting bangud suno diri nagakinahanglan ang mga sugar farmers sa tagsa ka LGU sang bulig nagikan sa probinsya bangud indi man sa karun magamit ang emergency funds sa pagsulosyon sa problema.
Ginahulat pa sang gobernador ang data gikan sa LGU para sa pagdeklarar sang state of emergency.
