Nagapanawagan ang gobernador sang Negros Occidental sa mga local government units sa probinsya nga magpreparar pananglitan nga magluntad ang “Big One”.
Ini ang kasunod sang pahayag sang Philippine Institute of Volcanology and Seismology ukon PHIVOLCS nga sarang maka-trigger sang magnitude 8.2 nga linog ang Negros Trench kag mahimo magtay-og sa bilog nga Negros Island.
Suno kay Negros Occidental Governor Eugenio Jose “Bong” Lacson, wala ini nagalaom nga matabo ang kaangay nga mabaskog nga linog sa probinsya.
Suno kay Lacson, dapat mangin preparado ang tanan indi lang ang probinsya kundi ang mga LGU man.
Ginpahayag man sang gobernador nga ayuon sini ang LGUs nga tsekyaron ang mga buildings sa ila mga nasakupan.
Ini kasunod sang panugyan ni DOST Sec. Renato Solidum nga i-reinforce ang mga buildings agud makasarang ini bisan pa magluntad ang linog nga may six tubtob seven intensity.
