Natalana nga magsulat ang provincial government sang Negros Occidental sa Commission on Elections agud nga maghingyo nga i-exempt ang mga proyekto sang probinsya gikan sa election ban sang 2025 Midterm Elections.
Sa bulan sang Disyembre, ipreparar sang probinsya ang listahan sang mga ongoing projects sini lakip na ang mga proyekto nga natalana nga ipatuman sa election period agud nga mapasa sa Commission on Elections.
Suno kay Provincial Administrator Atty Rayfrando Diaz, ila nga ilakip ang tanan nga infrastructure projects kag mga programa sang probinsya sang gobyerno.
Ini agud nga mapahibalo ang COMELEC kag ma-aprobahan man nila ang exemption sa ban.
Sa kada election period ginapatuman sang COMELEC ang banning santo sa pagsulundan.
Bilang kabahin sang procedure ang mga ongoing projects suno kay Diaz ang indi na kinahanglan sang exemption, apang agud mas makasigurado ilakip nila ini sa igasumiter sa COMELEC.
