Nagpagwa sang joint executive order sanday Negros Occidental Governor Eugenio Jose “Bong” Lacson kag Bacolod City Mayor Alfredo Benitez nga nagapatuman sang total ban sa pagsulod sang tanan nga live domestic kag wild birds kasubong man mga poultry products sa probinsya kag ciudad nagikan sa mga lugar nga may reported nga kaso sang Avian Influenza.
Ini agud malikawan ang pagsulod kag paglapta sang kaso sang bird flu sa Bacolod kag Negros Occidental.
Nalakip man sa pagadumilian ang buhi nga pispis ukon manok kasubong man ang mga itlog kag kaangay nga produkto nagikan sa Luzon, Mindanao, Panay kag Guimaras Island.
Sa interview sang Bombo Radyo kay Secretary to the Mayor Atty. Joseph Karol Chiu, nag-issue sang joint executive order ang probinsya kag ciudad agud mapabakod ang bio-safey, hygiene kag interagency heightened protocol batok sa bird flue.// Suno sa iya, magluwas sa karne sang manok, ginabantayan man ang mga itlog sini.
