Ginserbihan sang warrant of arrest si John Sy Keng Seng, 72 anyos, ang negosyante nga gin-alegar nagpamahog sang pagpangluthang sa Negros Occidental Provincial Capitol.
Sa interview sang Bombo Radyo Bacolod kay Police Major Rondyl Tapang, station commander sang Bacolod Police Station 2, ang pag-aresto ang wala sang kaangtanan sa alleged shooting threat.
Suno diri, ang warrant of arrest ang ginserbe sang Regional Intelligence Division sang Police Regional Office Negros Island Region sa pagkoordinar sa Bacolod Police Station 2.
Ang warrant of arrest sa 4 counts sang libel case ang ginfile sa Mandaluyong City ang ginpagwa sang Pebrero 2026, kag natukiban nga siya ang yara sa Bacolod City matapos maglupok ang issue sa provincial capitol.
Natabuan naman nga siya ang yara sa Hall of Justice sa Bacolod City bangod may gintambungan nga hearing, gani didto nalang ginserbe ang warrant of arrest.
Ang kaso ang bailable kag may P40,000 nga recommended bail sa kada counts.
Bangod sa edad nga 72, siya ang ginpaidalom anay sa medical examination antes dalayon nga gin-aresto.
