Wala sang gamo nga klase tawo ang pagkilala sa biktima sang shooting incident sa Barangay 40, Bacolod City suno sa abyan sang asawa sini.
Ang biktima ang ginkilala nga si Michael Garcia.
Sa interview sang Bombo Radyo Bacolod kay alyas Inday, maayo nga tawo ang bana sang abyan sini kag sila ang magbarkadahay man.
Suno kay Inday kun sila ang magtililipon kaupos sa biktima nga mas kilala nila sa tawag nga “Bongbong”, puro kinadlaw na lamang ang ila nga ubra.
Suno diri, wala paman sini nakita nga nagpangakig ang biktima kag estrikto lamang ini sa trabaho.
Ginpahayag man sini nga nakaligad nga tuig, nakasugid sa iya ang asawa sang biktima nga ini ang may nabaton nga pamahog.
Nakaagi man nga gintayaan sang armas-luthang ang biktima sang gina-alegar tag-iya sang ila nga ginrentahan.
Suno diri man maayo man nga amo si Garcia sa iya nga mga personnel sa computer solutions nga negosyo.
Sa paggwa sang ila barkada, masami nga ang biktima man ang nagagasto.
