Nagapanindugan ang negosyante nga nagluthang-patay sa ido nga si Skittle nga nagtuga sang komosyon ang ido kag gindepensahan lamang sini ang iya mga customers.
Sang Pebrero 22, ginbawian sang kabuhi sa ospital si Skittles, isa ka Siberian Husky, matapos ginluthang ni Dominador Bangero sang Pebrero 20 sa Greenplains Subdivision, Bacolod City.
Suno kay Bangero, sang Lunes, alas 4:00 sang hapon, may natabo nga komosyon sa iya restaurant kun sa diin ginaselebrar ang kaadlawan ni Punong Barangay Deogracias Dela Vega.
Pagwa sini sa opisina, iya nakit-an ang ido nga nagapanglamas sang mga pagkaon, nagkalabuka ang mga pinggan nga ginahugasan kag mangin ang mga costumers ang nagsaka na sa lamesa bangud sa kahadlok.
Ginlampusan sini sang pala si Skittles apang wala gid ini nagkalma gani iya ini ginluthang gamit ang .45 calibre pistol.
Handa naman ang tag-iya ni Skittles nga si Eduardo Libo-on nga pasakaan sang kaso si Bangero.
