BACOLOD CITY – Tuman ang kalipay sang mga kasimanwa ni Cadet First Class Fritz John Vallador matapos nabalitaan nga magagradwar ini bilang valedictorian sang Philippine National Police Academy Maragtas Class 2018.
Si Vallador ang tumandok sang Sitio Buri, Barangay 4, Kabankalan City, Negros Occidental.
Sa graduation rites sang PNPA sa Cavite sa Marso 21, batunon sini ang Plaque of Merit nagikan kay Presidente Rodrigo Duterte.
Sa press conference sa Campo Crame subong nga aga, nagpangako si Vallador sa mga Pilipino nga magaserbisyo sila sang tampad bisan kabuhi pa ang kabaylo.
Si Vallador ang nagdako nga kaupod ang iya tiya bangud ang iloy sini ang nagatrabaho sa Espanya bilang domestic helper.
Humalin sang siya ang ginbun-ag tubtub subong, wala pa niya nakit-an ang iya amay.
Suno diri, may yara sila sang himata nga nagtindog nga iya amay humalin sang siya ang gamay pa.
Si Vallador ang nagtapos sa elementarya sa Esteban R. Abada Memorial School (ERAMS) West samtang sa Fortress College Kabankalan naman sa iya sekondarya.
