Nalubong na kahapon ang Negrense nga ginpatay sang iya live-in partner sa Binangonan, Rizal sang Pebrero 13, apang, samtang ginapatigayon ang kumpanyar nahulog sa banglid ang truck nga ginasakyan sang mga nagkumpanyar.
30 tanan ang sakay sang truck kag wala naman sang may napilasan.
Pebrero 20 sang nakapauli sa Barangay Minoyan, Murcia, Negros Occidental ang bangkay ni Janiclear Cahilig, 31 anyos, marketing assistant, tumandok sang nasambit nga lugar apang nagapuyo na sa San Isidro, Antipolo City, Rizal.
Madumduman nga ginpatay ang biktima kag ginhal-id sa Quarry Road, Binangonan, Rizal.
Samtang nadakpan naman kag nag-ako sa krimen ang live-in partner sini nga si Roceller Lanon.
Ang duha ang may duha na ka kabataan nga 10 anyos nga lalaki kag 5 anyos nga babayi.
Pagpangimon ang nagapanguna nga rason sang pagpatay sang suspek sa biktima bangud nagapahayag na ini nga magapauli na sa Murcia kag ginalantaw nga kun indi man lang sini mapuslan ang biktima, patyon niya nalang ini.
