Nag-abot na ang 15 ka mga Negrense overseas Filipino workers nga nastranded sa Manila kag 29 naman ka mga Negrense OFWs nga nastranded sa Cebu kahapon.
Sa interview sang Bombo Radyo Bacolod kay Commander Jansen Benjamin, pinuno sang Coast Guard Station-Negros Occidental, ginpahayag sini nga sa 15 ka mga nag-abot sa Bredco Port, siyam diri ang taga-Bacolod samtang anom naman ang taga-Negros Occidental.
Gilayon sila nga gindala sa tagsa ka mga quarantine facility sang ciudad kag probinsya para sa mandatory 14-day quarantine.
Suno kay Benjamin, ginsunod gid sang husto ang health protocols sa pag-repatriate sa mga ini.
Samtang, 29 naman ka mga Negrense OFWs nga nastranded sa Cebu ang nag-abot kagab-i sa Escalante Port.
Suno kay Dr. Zeaphard Gerhart Caelian, pinuno sang Humanitarian Cluster sang probinsya, 16 diri ang taga-Negros Occidental samtang 13 naman ang taga-Bacolod.
Lunsay dindiretso ang mga ini sa duha ka mga hotel nga nahamtang sa amo nga ciudad.
