Ginlunsyar na ang Negros and Siquijor Island Region Disaster Risk Reduction and Management (DRRM) Summit 2024 subong nga adlaw, Hulyo 26, 2024.
Ginpangunahan ini Victorias City Mayor Mayor Javi Benitez kag ini ang ginpatigayon sa Victorias Command and Evacuation Center.
Ang nasambit nga event ang gintambungan sang mga tiglawas nagikan sa Negros Occidental, Negros Oriental kag Siquijor.
Sa speech ni Benitez, nagpabutyag ini sang iya pagpasalamat kag bugal man sini ang paghost sang event kag gin-emphasize ang importansya sang nagaisa kag nagahugpong sa pagtukod sang mas disaster-resilient nga rehiyon.
![](https://img.bomboradyo.com/bacolod/2024/07/NIR-DRRM-SUMMIT-2.jpg)
Ginpasalamatan sini ang Alliance of Disaster Risk Reduction and Management Officers in Negros Island Inc. (ADDRMONI) sa pagpili sang Victorias bilang venue sang nasambit nga summit.
Suno pa sa alkalde natiming man ang pagpatigayon sang summit bangud sa nagwaswas bagyo nga ginpabaskog pa sang hangin Habagat.
Kalakip sa gin-estoryahan sa summit ang paggamit sang mga DRRM tools kag mga best practices sang Disaster Response sang tagsa ka LGU.
Nagtambong sa Negros and Siquijor Island Region Disaster Risk Reduction and Management (DRRM) Summit si Office of the Civil Defense Regional Director Officer-in-Charge Aletha Nogra.