Nagpagwa sang abiso ang Negros Electric and Power Corporation (NEPC) sa patigayonon nga power interruptions subong nga adlaw, Marso 23.
Sa interview sang Bombo Radyo Bacolod kay Engr. Leomel Tambanillo, assistant Vice President for Planning and Business Operation sang NEPC, kahapon may pwer interruption sa Panaogao substation nga sakop sang Silay City bangod sa pag-ilis sang bag-o nga automatic circuuit recloser.
Ang poer interruption nag-umpisa alas- 6:00 sang aga kahapon apang imbes nga mabalik ang kuryente alas- 4:00 sang hapon santo sa ginalauman nga kadugayon sang trabaho, ini ang natapos pasado alas- 3:30 sang hapon.
Suno kay Tambanillo, subong nga adlaw, may yara sang power interruption sa Pta Taytay substation kag ang apektado diri amo ang Sum-ag feeder 1.
Suno diri, alas- 6:00 sang aga temporaryo nga wala sang kuryente tubtob alas- 6:00 sang hapon.
Ini bangod may yara sang islan nga mga daan nga alambre kun sa diin mas may dalagko nga kapasidad nga alambre ang ibulos agud indi dali-dali nga madula ang kuryente kun ini ang matandog sang mga sanga ukon kasapatan.
Pahayag sini, ila ginapakamaayo nga kada weekends ginapatigayon ang ila trabaho agud indi dako ang epekto sa mga may klase, trabaho, negosyo kag iban pa.
Mensahe ni Tambanillo, ini tanan ang kabahin sa promisa sang NEPC nga mahatag ang maayo, reliable kag efficient nga serbisyo.
Nagapangayo lamang ini sang pasensya kag pag-intindi bangod ini ang para sa benepisyo sang tanan.
