Ikaduha ang Negros Island Region sa may pinakadako nga populasyon sa Visayas area.
Santo sa pinakalatest nga data sang Commission on Population and Development- Negros Island Region as of 2024 nga ginrelease sa sini nga bulan, ang NIR may yara sang kabug-usan nga 4, 904, 944 population.
Suno kay Atty Bruce Ragas, acting regional director sang CPD-NIR, sa Negros Occidental may yara sang 2,680,477 population wala nalakip ang ciudad sang Bacolod; kag sa Negros Oriental may yara sang 1,492,038 population kag sa Siquijor may yara sang 107,642 population samtang sa ciudad sang Bacolod naman may yara sang 624,787 population.
Humalin sang tuig 2020 tubtob 2024 may yara sang pag-increase sa populasyon nga 144,604 kag sa average may yara sang 36,151 nga increase kada tuig sa sulod sang apat ka tuig.
Ang NIR ang ikaduha sa may pinakadako nga populasyon sa Visayas kasunod sa Cebu.
Kag ang NIR naman ang yara sa rank 10 sa national level.
Suno kay Ragas, ipresent sini ang status sang NIR sa mga Local Government Units, Local Chief Executives kag Representatives agud magamit sa ila plano para sa ila area of responsibility.
