Nagapanguna ang Negros Island Region (Visayan Viper) sa partial kag unofficial medal tally sang Palarong Pambansa 2026 as of 5:00 am, Mayo 26, matapos makakuha sang tatlo ka gold, isa ka silver kag isa ka bronze medal para sa kabug-usan nga lima ka medalya.
Nagpatas naman sa sunod nga pwesto ang Region VIII – Eastern Visayas kag Region X – Northern Mindanao nga may pareho nga duha ka gold, duha ka silver kag isa ka bronze medal ukon total nga lima ka medalya.
Pareho man nga may 5 total medals ang Region IV-A CALABARZON kag Region V – Bicol Region nga may tigduha ka gold, isa ka silver kag duha ka bronze medals.
Nagasunod ang Region VI – Western Visayas nga may isa ka bulawan, tatlo ka silver kag isa ka bronze medal para sa 5 total medals.
Sa ika-pito nga pwesto ang NCR nga may isa ka gold, isa ka silver kag duha ka bronze medals ukon may kabug-usan nga apat ka medalya.
Nakaangkon naman sang tigtatlo ka medalya ang Region I – Ilocos Region kag Region XI Davao Region.
Samtang tig-isa ka gold medal naman ang NAS ukon National Academy of Sports kag Region III – Central Luzon.
