Opisyal nga gin-indorso ni Negros Occidental 5th District Congressman Dino Yulo si Negros Occidental 3rd District Representative Francisco “Kiko” Benitez bilang bag-o nga Department of Education (DepEd) secretary.
Suno kay Yulo, kahapon nag-issue ini sang statement sa pagsuporta kag pag-endorse kay Kiko bilang DepEd secretary.
Suno diri, indi lamag isa ka legislator si Kiko apang naggikan man ini sa sektor sang edukasyon, amo nga maintindihan sini ang educational crisis sang Pilipinas.
Sa mahibaluan si Kiko may yara sang Ph.D. sa Comparative Literature sa University of Wisconsin-Madison kag siya man ang summa cum laude sa Bachelor of Arts in comparative literature sang Cornell University.
Kag antes pa man ini nagsulod sa pulitika, si Kiko nagserbe bilang presidente sang Philippine Women’s University kag nangin assistant professor sa University of Washington-Seattle.
Apang, suno kay Yulo kun madayon nga mangin DepEd secretary si Kiko siya ang maga-resign bilang congressman kag ang magabulos sa iya ang iga-appoint sang House of the Representatives.
Nagapangayo sa karun si Yulo sang suporta para kay Kiko para sa isa ka pasidungog nga gikan sa probinsya sang Negros Occidental ang bag-o nga mangin Department of Education (DepEd) secretary.
