Nagahatag sang financial assistance si Negros Occidental 5th District sa mga pumuluyo sang nasambit nga distrito nga magakuha sang board exams kasubong man sa mga nakapasar diri.
Sa interview sang Bombo Radyo kay Yulo, sang tinalikdan nga tuig lamang nagsugod ang pagpanagtag sini sang financial assistance para sa mga board takers kag wala sini ginlauman ang response.
Suno diri, 250 lamang kuntani kabilog ang iya target nga mahatagan apang nagdangat sa 1,000 ang nag-apply kag masobra 900 ang eligible.// P4,000 ang ginahatag sini sa kada eligible nga board taker sa ila distrito.
Kahapon, nagpanagtag man ini sang financial assistance sa mga qualified board passers sang Licensure Exams sang bulan sang Enero tubtob Marso kag isa na diri si Jerson Ocera sang La Castellana nga nga Top 9 sa Mechanical Engineers Licensure Exam.
Suno sa iya, nakaagi man ini kuha sang bar exam kag nahibaluan sini ang pagpangabudlay sa pagreview kag pagpulaw agud makakuha sang lisensya gani nagalaom ini nga mapadayon ang iya programa agud makabulig sa mga ginikanan kag pamatan-on nga nagapaninguha.
