93 percent cleared na ang Western Visayas gikan sa illegal nga droga.
Ini santo sa mga data nga ginpresentar sa 3rd quarter Barangay Anti-Drug Abuse Council (BADAC) meeting.
Gikan diri, hundred percent drug cleared na ang probinsya sang Aklan, Guimaras kag Antique.
Samtang 99.59 percent drug cleared naman ang Iloilo province, 93.45 percent ang Capiz, 81.36 percent ang Negros Occidental, 52.78 percent ang Iloilo City samtang ang pinakamanubo amo ang Bacolod City nga 34.43 percent drug cleared pa lamang.
11 pa lamang ka banwa kag ciudad ang drug cleared sa Negros Occidental nga ginalakipan sang Bago City, Candoni, Eb Magalona, La Carlota City, Manapla, Moises Padilla, Pulupandan, Silay City, Sipalay City, Valladolid kag Victorias City.
Suno kay Negros Occidental Governor Eugenio Jose ‘Bong’ Lacson, mas nagdamo ang mga Barangay nga drug cleared na apang ang target gid sang probinsya amo nga mangin hundred percent clear sa illegal nga droga ang Negros Occidental.
Apisar nga malayo pa, gindayaw man sini ang effort sang mga Barangay officials nga nagtinguha gid nga madrug cleared ang ila lugar, nga nagaserbe man nila nga accomplishments.
Panugyan man sini nga padayun nga magkoordinar kag suportahan ang mga anti-illegal drug activities sang Philippine National Police (PNP), Philippine Drug Enforcement Agency (PDEA) kag Philippine Army.
Kalakip man sa programa ang pagtukod sang mga Balay Silangan.
