Negros Occidental, bukas sa tanan nga luyag magbulig sa mga evacuees sang paglupok sang Bulkan Kanlaon

Bukas ang probinsya sang Negros Occidental sa tanan nga luyag nga maghatag sang bulig para sa mga evacuees kasunod sang paglupok sang Bulkan Kanlaon sang Lunes.

Suno kay Vice Governor Jeffrey Ferrer, automatic man ang paghatag sang mga bulig para sa biktima sang paglupok sang Bulkan Kanlaon.

Suno kay Ferrer may yara na sang nagpadala sang bulig ang Department of Social Welfare and Development kag may mga senador man nga nagpledge kaangay nanday Senator Imee Marcos kag Senator Bong Go.

Ginpahayag sang bise gobernador nga sa tanan nga luyag nga magbulig, ipadala lamang sa provincial government ukon mahimo man iderecho na sa mga apektado nga local government units.