Gin-athag sang Negros Occidental election supevisor nga nagabaton lamang sila sang mga signature sheets sang People’s Initiative para sa Charter Change apang wala sila sang ginapatigayon nga verification.
Suno kay Atty Ian Lee Ananoria, madamo na sang election officer sa probinsya sang Negros Occidental ang nagapahayag nga may yara na sila sang nabaton nga signature sheets para sa Peoples Initiative.
Suno kay Ananoria, nagahatag lamang sila sang certification kun pila ka pirma ang yara sa signature sheets apang wala sang verification.
Ini bangud wala pa sang petition nga ginfile kag nakapagwa sang mando ang COMELEC en banc agud nga makapatigayon sila sang verification sang mga pirma sa signature sheets.
Sa karun ginsafe keep lamang sang mga COMELEC offices sa probinsya kalakip na ang ciudad sang Bacolod ang mga nabaton nga signature sheet.
Nagdangat sa 187,447 ka mga pirma ang natipon sa probinsya sang Negros Occidental para sa people’s initiative sa ginaduso nga charter change.
