Apisar wala nakuha ang ginahandom nga championship para sa 2025 Western Visayas Regional Athletic Association (WVRAA) Meet nga ginpatigayon sa probinsya sang Antique ang delegasyon sang Negros Occidental ang malipayon sagihapon.
Sa interview sang Bombo Radyo Bacolod kay Romeo Sison, Sports Coordinator sang Negros Occidental, opisyal na nga nagtakop ang 2025 WVRAA Meet kag ang Negros Occidental ang first runner up lamang bangud ang Iloilo sagihapon ang nagchampion.
Suno kay Sison apisar nga wala nagchampion ang Negros Occidental malipayon ini sagihapon bangud nakita man ang pagpaninguha sang mga atleta.
Apisar sang pagpaninguha wala gid magpabor ang panahon agud nga makuha sang mga atleta ang over-all championship.
Ang Negros Occidental ang champion sa Elementary Level samtang sa Secondary kag ParaGames ang First Runner up lamang.
Sa final nga medal tally, ang Negros Occidental ang nakakuha sang 71 Gold, 46 Silver, kag 50 Bronze samtang ang Iloilo ang nakakuha sang 66 gold, 67 silver kag 33 bronze.
Sa Secondary naman ang Iloilo ang nakakuha sang 114 Gold, 82 silver kag 79 bronze samtang ang Negros Occidental ang nakakuha sang 97 Gold, 87 silver kag 67 bronze kag sa Para Games ang Iloilo ang nakakuha sang 47 Gold, 21 silver kag 9 ka bronze samtang ang Negros Occidental ang nakakuha sang 17 gold, 17 silver kag 13 bronze.
Suno kay Sison mahimo nga may yara sang kulang sa preparasyon sa mga atleta bangud ang Iloilo bilog nga tuig ang mga ini ang nagatraining para sa hinampang.
Wala man sang problema ang akomodasyon sang delegado sa Antique.
Ang nagtambong sa closing ceremony ang delegation heads nga ginpangunahan ni Negros Occidental Schools Superitendent Anthony Liobet.
Ang masunod nga magahost sang WVRAA 2025 ang ciudad sang Passi, Iloilo.
Samtang ang nagdalaog sa WVRAA 2025 ang magahampang sa Palarong Pambansa sa Ilocos Norte.
Ang Negros Occidental ang indi na mangin kabahin sang WVRAA 2026 bangud indi ang magahampang na sa Negros Island Region Athletics Association (NIRAA) Meet.
