Negros Occidental Election Supervisor, nagpahanumdom sa mga lokal nga kandidato nga magsunod sa Comelec guidelines

Nagpahanumdom man ang election supervisor sang Negros Occidental sa mga kandidato nga dapat magsunod sa mga guidelines sang Commission on Elections.

Sa interview sang Bombo Radyo Bacolod kay Atty. Ian Lee Ananoria dapat ang mga nagpadalagan tatlo ka adlaw antes ang campaign period ginpangkakas na sang mga ini ang ila posters nga nabutang sa indi designated areas.

Suno kay Ananoria, ang tanan nga mga campaign materials ang dapat kakson magluwas nalang ang nabutang sa private property.

Suno diri, ang campaign materials sang kandidato nga wala pa makakas sa indi designated areas ang padal-an sang notice bisan wala sang reklamo.

Nagpanugyan ini sa mga kandidato nga magfocus lamang sa platform of government kag wala lang personalay.