Indi makatambong si Negros Occidental Governor Bong Lacson sa pagsinapol nga patigayunon sa Campo Crame ukon national headquarters sang Philippine National Police (PNP) sa Manila.
Suno kay Lacson, gin-imbitar sang mga opisyal sang League of Provinces of the Philippines (LPP) ang mga gobernador para sa briefing sang Philippine National Police nga may kaangtanan sa asod-asod nga pag-ambush kag pagpatay sa mga local elected officials.
Suno kay Lacson, indi ini magtambong bangud kampante man ini sa iya siguridad kag sunado man sini ang mga lugar nga ila ginapadulungan sa nagkalain-lain nga bahin sang probinsya sang Negros Occidental.
Samtang, magapadulong man sa ini nga semana sa Negros Oriental agud nga maduaw sa haya ni the late Negros Oriental Governor Roel Degamo.
Ginpahayag man sini nga sang pagestoryahanay nila sadto angot sa Negros Island Region, nakita man sini nga madamo ang mga security guards sang anay gobernador.
