Kalakip ang gobernador sang Negros Occidental Province nga nagpaidalom sa mandatory drug test.
Ang nasambit nga aktibidad ang patigayunon sa sulod sang duha ka adlaw kag ini ang nag-umpisa kahapon kag matapos subong nga adlaw.
Sa interview sang Bombo Radyo Bacolod kay Negros Occidental Provincial Administrator Atty. Rayfrando Diaz, ginkumpirmar sini nga tanan nga tres mil nga mga empleyado sang Negros Occidental Provincial Government ang magapaidalom sa drug test.
Suno kay Diaz, pila sa mga empleyado ang nakatapos na sa pagpaidalom sa mandatory drug test kag isa na diri si Negros Occidental Governor Eugenio Jose “Bong” Lacson .
Samtang suno kay Diaz, subong naman nga adlaw siya magapaidalom sa drug test.
Ginpahayag man sini nga ang gobernador ang nagpagwa sang memorandum angot sa mandatory drug tests.
Suno kay Lacson, ang tanan nga empleyado ang obligado nga magcomply kag ang indi magcomply ang dagdag sang sanctions.
Ang drug testing nga ginpatigayon ang agud nga masiguro nga sang provincial government sang Negros Occidental nga may yara ini sang drug free working environment.
