Nagpadulong sa provincial government sang Negros Occidental ang pamilya sang Overseas Filipino Worker nga taga-Cadiz nga na-missing kasunod sang pag-atake sang militant group nga Hamas sa Israel.
Sa interview sang Bombo Radyo kay Negros Occidental Eugenio Jose “Bong”Lacson, gin-abisuhan ang pamliya Alacre sang Department of Migrant Workers kag Overseas Workers Welfare Administration nga amo ang magakoordinar sa ila kag magahatag sang opsiyal nga impormasyon natuhoy sa update kay Loreta Alacre.
Suno diri, indi man ini makahatag sang impormasyon bangod nga ang DMW kag OWWA ang makahatag sang specific nga intsruction kag report sa pamilya.
May yara sang Migrants Center sa tupad sang Social Hall sa second floor sang Capitol nga naga-akomodar sa mga problema sang migrant workers.
Mensahe ni Lacson sa pamilya, nga ini naga-upod sa ila sa pagpangamuyo kag paglaum nga yara sa maayo nga kahamtangan si Loreta kag ini makapauli na agud makaupod ang iya pamilya.
