Nagpabilin nga miembro sang Nationalist People’s Coalition (NPC) si Governor Eugenio Jose “Bong” Lacson bangud ang Partido Federal ng Pilipinas (PFP) kag NPC ang sa karun magka-alyado na.
Sa Negros Occidental, pila ka mga alkalde nga nagpanumpa sa PFP amu si Victorias City Mayor Javi Benitez, EB Magalona Mayor Marvin Malacon kag Hinoba-an Mayor Daph Reliquias.
Nagpanumpa man ang anay alkalde sang Silay nga si Mark Golez apang si Silay City Mayor Joedith Gallego ang miyembro na sang Partido Federal ng Pilipinas.
Nakita man ang presensya nanday PFP member Himamaylan City Mayor Raymund Tongson kag Kabankalan City Mayor Benjie Miranda.
Madamo pa sang mga opisyal sa Negros Occidental ang nagpalab-ot sa ila, nga gusto nga mangin miyembro sang PFP.
Samtang sila ang magapadayon man sa pagbaton sang mga gusto magsulod sa Partido Federal ng Pilipinas.
Samtang, ginpahayag man ni PFP President kag South Cotabato Governor Reynaldo Tamayo Jr. nga may yara naman sang steering committee nga incharge sa tion nga may-ara sang magabunggu-anay nga miyembro sang partido para sa 2025 elections.
Suno diri, ginaamat-amat man nila solbar ang mga magagmay nga problema sa pila ka mga areas.
Magahimo man ang mga ini sang tikang agud nga indi mabungkag ang ila nga partido.
Suno diri, wala man sila nagapadamo sang miyembro kundi nagakuha lamang sang mga sarangan ikabuhi ang prinsipyo sang partido.
