Ginpahayag ni Negros Occidental Governor Eugenio Jose ‘Bong’ Lacson nga dapat itugyan na lamang sa ahensya sang gobyerno ang pag-imbestigar sa pagpamahog sa kabuhi ni President Ferdinand ‘Bong Bong’ Marcos Jr kasunod sa pahayag nga ginbuy-an ni Vice President Sara Duterte.
Suno sa gobernador, nagahimo na sang tikang sang Department of Justice angot sa pahayag sang bise presidente nga may ginhire ini nga assassin para magpatay sa presidente, kay First Lady Liza Marcos, kag House Speaker Ferdinand Martin Romualdez.
Dugang pa sini ang pagpamuyayaw ni Duterte ang dala lamang sa emosyon sini apang ang pagpamahog sini ang indi lahog-lahog.
Pahayag ni Lacson, nagatrabaho na ang DOJ para diri apang ang mga tawo ang indi dapat malipat nga magpadayon sa pagtrabaho agud nga indi maglugdang ang pungsod apisar sa mga problema sa karun.
