Satisfied ang gobernador sang Negros Occidental sa performance sang mga Negrense scholars nga naggraduate sa Darwin, Australia.
Nahibaluan nga sang damlag lang napulo sa mga ini ang naggraduate nga ginalakipan sang lima sa commercial cookery kag lima sa early childhood care nga lunsay outstanding students kun sa diin isa ang naghatag pa sang speech sa ila nga graduation.
Ginpahayag ni Negros Occidental Governor Eugenio Jose “Bong” Lacson, nagpabutyag ang Negrense scholars nga nangin “life-changing” ang ila pagtuon kag pagtinir sa Australia kun sa diin isa sa ila ang nangin citizen na samtang ang iban ang permanent residents.
Sa karon, may 17 karon ka mga Negrense scholars nga kabahin sang first kag second batches nga ginpadala sa Australia.
Plano sang probinsya nga magpadala sang dugang nga 10 scholars sa madason nga tuig kag gina-engganyo man sang mga ini ang mga LGUs nga mag-sponsor sang isa ka estudyante.
Nahibaluan nga sa idalom sang Study Now, Pay Later Program sang probinsiya, maga-eskwela sang duha ka tuig sa Australia ang scholar kag ang grant ang iya pagabayaran sa sulod sang lima katuig nga wala sang interest.
Ginalantaw nga nagadangat sa P1 million ang magasto sa kada scholar.
