Aminado si Negros Occidental Governor Eugenio Jose ‘Bong’ Lacson nga dako nga challenge para sa probinsya ang resulta sang Western Visayas Regional Athletic Association Meet nga ginpatigayon sa Aklan kun sa diin 1st runner-up ang probinsya sa elementary kag secondary level.
Suno kay Lacson, nagpasalamat ini sa mga players nga nagtiglawas sang Negros Occidental.
Apang aminado si Lacson nga indi ini malipayon sa pagpangaduha sang Negros Occidental bangud sang tinalikdan nga WVRAA, champion ang probinsya sa elementary level, apang subong nga tuig, nalutos ini sa Iloilo sa elementary level kag secondary level.
Suno kay Lacson, may mga sports nga nagpanguna ang Negros Occidental kaangay sang softball elementary, badminton elementary kag high school kag nagdominar man ini sa swimming competition, apang bronze medalist lang ini sa chess competition.
Suno diri, pila ka chess tournament ang ginsponsor sang provincial government apang nakibot ini nga nagpangatlo lang ini pag-abot sa WVRAA.
Bangud sini, aminado ang gobernador nga kinahanglan tutukan ang sports program sang Negros Occidental agud nga mag-improve ang performance sang probinsya.
Sa masunod nga tuig, ang probinsya sang Negros Occidental naman ang magahost sang WVRAA Meet.
