Nagbaton si Negros Occidental Governor Eugenio Jose ‘Bong’ Lacson sang 2023 Gawad Parangal Award nagikan sa National Tak Force to End Local Communist Armed Conflict kadungan sang ila ikalima nga founding anniversary sa Camp Aguinaldo sa Quezon City kahapon, Disyembre 4.
Ang duha ka iban pa nga awardees nagikan sa Western Visayas amo sanday Department of the Interior and Local Government regional director Juan Jovian Ingeniero kag Prosecutor Flosemer Chris Gonzales.
Nahibaluan nga si Lacson ang chairperson sang Western Visayas Regional Peace and Order Council.
Suno sa DILG, ang Gawad Parangal Award ang nagakilala kag nagaappreciate sang efforts sang nagahatag sang positive impact sa sosyodad kag nagatinguha nga matuldukan na ang local armed conflict.
Sa interview sang Bombo Radyo kay Lacson, iya ginpasalig nga magapadayon ang pagsuporta sang provincial government sa mga program sang Local ELCAC kadungan sang panawagan sa mga rebelde nga magbalik na sa sabak sang gobyerno.
