Ginpangunahan ni Negros Occidental Governor Eugenio Jose ‘Bong’ Lacson ang boodle fight bilang pagpasalamat sa tanan nga nagbulig agud nga mapabilin ang kalinong kag katawhay sang bag-o lang nagtakop nga Panaad sa Negros Festival.
Kalakip sa mga nag-upod sa boodle fight amo ang mga kapulisan, traffic enforcers kag iban pa nga mga force multipliers nga nagsecure sa isa ka semana nga Panaad sa Negros Festival 2023.
Ang boodle fight ang ginpatigayon sa Panaad Park and Stadium man mismo nga venue sang festival.
Nagtambong man sanday Negros Occidental Police Provincial Office director Police Col. Leo Pamittan kag Bacolod City Police Office director Police Col. Noel Aliño.
Santo sa data, nagdangat sa P20.3 million ang kabug-usan nga sales sa Panaad sa Negros Festival halin sang Abril 17 tubtub alas-3:00 sang hapon sang Abril 23 nga ginalakipan sang P14 million sa pavillion kag P5.6 million sa mga kiosko kag masobra P300,000 sa mga kapehan.
