Nagpabutyag sang kalipay si Negros Occidental Governor Eugenio Jose “Bong” Lacson sa pagpagwa sang mando ni President Ferdinand Marcos Jr. sa National Grid Corporation of the Philippines (NGCP) agud gilayon nga i-address ang power crisis sa Panay, Guimaras kag Negros.
Suno kay Governor Lacson, ginakabig sini nga maayo nga tikang ang pagpakigbahin sang national government sa asod-asod nga power interruptions nga nagluntad sang nagligad nga semana.
Nagapanawagan ini sa tanan nga concerned agencies, NGCP man ini ukon mga power utilities nga ibalik ang power supply sa isla.
Ginquote sini ang pahayag man sang Presidente nga makabig nga ironic nga may yara sang surplus power sa Negros apang may nagaluntad pa nga mga low voltages kag power outage.
Nagalaom ini nga sa paagi sa pagtawag ni Marcos sang attensyon sang NGCP, makasalig ang mga pumuluyo sang mas maayo nga stability sa supply sang kuryente.
