Ginpahayag sang gobernador sang Negros Occidental nga wala pa sa karun sang abiso nga may dugang nga pondo nga maga-abot para sa mga evacuees kasunod sang paglupok sang Bulkan Kanlaon sang tinalikdan nga Disyembre 9, 2024.
Suno kay Negros Occidental Governor Eugenio Jose “Bong” Lacson, wala pa ang mga ini sang nabaton nga abiso angot sa dugang nga pondo gikan sa national governmeny magluwas sa P50 million nga ginrelease sang Malacañang nga ang ginagamit sa karun sa pagpakaon sa mga evacuees.
Suno kay Lacson, ang mga apektado nga mga Local Government Units na ang magarequest sang dugang nga pondo kag mahimo man ini nga direkta na makapadala sang request sa Malacañang.
Nagapabilin naman sa Alert Level 3 ang Bulkan Kanlaon.
Sa March 24 nga report sang PHIVOLCS, na record ang isa ka pagbuga sang abo nga naglawig sang 7 minutos.
May narecord nga duha ka volcanic quakes kag 3,308 naman ka tonelada sang sulfur dioxide flux ang na record sang March 23 nga nagdangar sa 75 meters ang kataason sang plume kag nagapadayon ang ground deformation.
