Nalakip ang probinsya sang Negros Occidental sa nangin awardee sang national Seal of Good Local Governance (SGLG) Award.
Sa 41 ka probinsya sa bilog nga Pilpinas, nalakip ang probinsya bilang awardee.
Samtang 12 naman ka ciudad kag anum ka banwa sa probinsya ang nahatagan man sang national Seal of Good Local Governance (SGLG) Award.
Ini ang ginalakipan sang ciudad sang Bacolod, Bago, Cadiz, Escalante, Himamaylan, La Carlota, Sagay, San Carlos, Silay, Sipalay, Talisay kag Victorias kag banwa sang EB Magalona, Hinigaran, Ilog, Isabela, La Castellana, kag Manapla.
Sunon kay Provincial Administrator Atty Rayfrando Diaz, ang award ang isa sa magamit nga bases agud mahatagan sang Performance Based Bonus ang mga empleyado sang probinsya.
Madumduman nga sang tuig 2022 wala nakahatag sang Performance Based Bonus ang probinsya bangod wala ini nabutang sa official guidelines apang suno kay Diaz posible nga duha ka Performance Based Bonus ang ihatag sa mga empleyado subong nga tuig kag nagpasalig nga may bastante nga savings ang probinsya para diri.
