BACOLOD CITY — Tuman ang kalipay sang provincial government sang Negros Occidental kag iban pa gid nga mga local government units sa probinsya matapos nga naghakot sang awards sa Association of Tourism Officers of the Philippines – Department of Tourism ukon ATOP-DOT Pearl Awards subong nga tuig.
Mismo ang mga opisyal sang probinsya kag sang mga component cities ang nagbaton sang pasidungog sa awards night nga ginpatigayon sa IloIlo Convention Center sang Biyernes, Oktubre 6.
Kalakip sa mga ini ang Grand Winner and Hall of Fame Award para sa Panaad sa Negros Festival sa Best Tourism Event – Festival Category.
Grand Winner man ang Sagay City para sa Best Tourism Month Celebration-City Category kag Grand Winner man ang Suyac Island Journey: Coastal Communities Resources Advocacies to Boost Sustainability para sa Best Practices on Community-based Responsible Tourism Category.
Grand Winner man ang Sipalay Kite Festival para sa Best Tourism Event -Sports Category kag 1st Runner up ang Sipalay City sa Best Tourism Month Celebration-City Category.
2nd Runner up ang Victorias Agri-Ecotourism Enhancement Program para sa Best Practices on Community-based Responsible Tourism, samtang 2nd Runner up naman ang Cadiz City sa Best Tourism-Oriented LGU – City Category.
Ang mga opisyal ang nagbaton sang plaque nagikan sa ATOP-DOT.
Suno kay Negros Occidental Provincial Tourism Officer Cristine Mansinares, ang pasidungog ang bunga sang pagbinuligay sang tanan.
Suno sa iya, masami nagapasakop ang mga awardees kag ginabuligan sang probinsya agud makumpleto ang mga kinahanglanon.
