Ginpahayag ni Governor Eugenio Jose “Bong” Lacson nga wala sang deklarasyon ang probinsya nga infected sang African Swine Fever ang Negros Occidental.
Suno kay Lacson, consistent ang panindugan sang probinsya nga tubtob magproklamar ang Department of Agriculture kag Bureau of Animal Industry nga ASF infected ang Negros Occidental, indi magdeklarar sini ang probinsya.
Ini apisar nga may duha ka mga baboy nga nagpositibo sa ASF sa Barangay Taculing, Bacolod City nga nahibaluan nagikan sa ciudad sang Bago.
Suno kay Lacson, nagapabilin sa gihapon nga yara sa green zone ang Negros Occidental kag ginakabig nga ASF free.
Samtang, nagdangat na sa 6,774 ka mga baboy ang nagkalamatay sa probinsya bangud sa hog cholera.
Ini ang nagabalor sang P79,950,575.
As of May 27, 117 ka mga barangay nagikan sa 14 ka mga local government units sa Negros Occidental ang naapektuhan sang hog mortality.
