Ginkumpirmar ni Negros Occidental Governor Eugenio Jose “Bong” Lacson nga magapabilin sa modified general community quarantine (MGCQ) ang status sang probinsya sumugod bwas, Agosto 1.
Apisar nga may mga local cases kag may isa na nga nagtaliwan bangod sa COVID-19, ginpahayag ni Lacson nga gamay lang ini kun ikumparar sa scope sang probinsya.
Suno kay Lacson, manubo lang ini nga porsyento kun ikumparar sa kabug-usan nga populasyon kasubong man sa mga nag-ayo na sa balatian.
Sumugod sa Agosto 1 tubtob sa Agosto 15, magapabilin sa MGCQ ang probinsya gani wala sang dapat nga kabalak-an ang mga pumuluyo bangod wala sang tsansa nga magbag-o ang status.
]Ginvalidate naman ini ni COVID-19 action plan Chief Implementer Secretary Carlito Galvez nga nagpahayag nga mabudlayan ang mga syudad kag probinsya kun magsaka sa higher status ilabi na kun igabutang sa enhanced community quarantine.
