Anom ka satellite payout sites ang gin-identify nga mangin venue sang tagtaganay sang educational assistance sang Department of Social Welfare and Development diri sa probinsya sang Negros Occidental.
Ini ang ginalakipan sang San Carlos, Philippine Normal University sa Cadiz, Silay, Bago City, Himamaylan City Hall, Talubangi Gym sa Kabankalan kag may yara man sang separado nga venue para sa ciudad sang Bacolod.
Suno kay DSWD Region 6 spokesperson Atty. May Rago-Castillo, 3,00 ang target ang mahatagan sang ayuda sa Negros Occidental sa Agusto 27.
Sa mga wala nagparehistro sa website sang DSWD apang nag-apply paagi sa email, ang DSWD ang magareply man sa email.
Suno kay Castillo, P12 million ang pondo para sa Sabado diri sa Negros Occidental samtang P36.5 million naman ang budget para sa bilog nga Western Visayas.
Nagpahibalo naman ini sa mga benepisyaryo sang 4Ps nga indi mag-apply para sa educational assistance bangud indi sila mahatagan bangud may yara sang deduplication process kun sa diin madetect ang mga beneficiaries sang conditional cash transfer.
