May yara na sang duha ka persona sa Negros Occidental nga ginakabig person’s under investigation (PUI) sang 2019 novel coronavirus acute respiratory diseases (2019 NCOV-ARD).
Sini lang nga udto sang ginkumpirmar ni Governor Eugenio Jose Lacson nga gina-obserbaran na karun sa isa ka government hospital ang isa ka foreigner kag isa ka Filipina nga ginakabig PUIs.
Ang lalaki ang may yara sang travel history sa Taiwan samtang ang babaye naman ang nakapadulong man sa Hong Kong sang damlag lang.
Nagboluntaryo kuntani nga magpa-admit sa pribado nga hospital ang foreigner apang bilang kabahin sang protocol ginsaylo ini sa isa ka government hospital.
Nahisayran sa gobernador nga sang nagligad nga Byernes gin-isolate sa isa ka government hospital ang foreigner samtang sang Sabado naman ang babaye kag magka-upod na karun ang duha.
Ginkuhaan na sang samples ang duha ka PUIs kag ginpadala na sa Research Institute of Tropical Medicine (RITM) kag bwas nga adlaw ginalauman ang paguwa sang resulta sang sample sang lalaki samtang sa Mierkoles naman ang iya sang Filipina.
Apisar sini sang duha ka PUI’s nga narekord sa Negros Occidental, ginpahayag ni Governor Lacson nga indi dapat tunaan sang pagkahangawa sang publiko bangud nga ginasuspetsuhan pa man lang ang duha kag hulaton pa ang resulta sang ila tests.
